 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Ruka pa łascy raźbiara
Krušynie hrudzi vyzvalała.
U sta hajach jon vybiraŭ,
A voś takoje brakavała.
Pryłipła pasma naŭskasy,
Źniamiełi vieradnyja palcy,
Nibyta siena nakasiŭ
I staŭ u leta pastajalcam.
Jon adchilaŭsia nieznarok
I zakryvaŭ nahłucha vočy,
I zasynaŭ u im prarok,
I pračynaŭsia hoład voŭčy.
Iznoŭ chapaŭsia za raziec.
I apłyvaŭ načy aharak.
A ranak pačynaŭ rudzieć
I naciskaŭ, rudy, na karak.
A majstra paciery šaptaŭ,
I dreva šeptam paŭtarała.
I heta značyła nakštałt:
Krasa nikoha nie karała.
I kab nia płakać, a piajać,
Pakutaj dolu apłaciła.
I joj na soniejku stajać,
A nie ŭ cianiotach pavuciny.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
